تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پولیس اہلکار نے دکان سے 10 کلو آم چوری کر لیے، فوٹیج وائرل

کیرلا: بھارتی ریاست کیرلا میں ایک پولیس اہلکار نے رات کے اندھیرے میں دکان سے 10 کلو آم چوری کر لیے، تاہم اس ’واردات‘ کی فوٹیج وائرل ہونے پر وہ بڑی مشکل میں پھنس گیا ہے۔

بھارتی میڈیا کے مطابق کیرلا پولیس کے شِہب نامی اہلکار نے دکان سے آم چرا لیے، جس کی فوٹیج وائرل ہو گئی، اور اس کے خلاف آم چوری کا مقدمہ درج ہو گیا۔

سی سی ٹی وی فوٹیج میں وردی پہنے پولیس اہل کار کو سڑک کے کنارے دکان کے باہر رکھی آم کی پیٹیوں سے یکے بعد دیگرے آم نکال کر بائیک کے ڈبے میں رکھتے دیکھا جا سکتا ہے۔

یہ واردات کنجیراپِلی کے ایک اسٹور پر کی گئی تھی، جب کہ پولیس اہل کار شِہب اِڈوکی اے آر کیمپ میں تعینات ہے۔

رپورٹس کے مطابق شِہب آدھی رات کو گھر واپس جا رہا تھا جب اس نے ایک دکان کے سامنے اپنی بائیک روکی اور یہ دیکھنے کے بعد کہ آس پاس کوئی نہیں ہے، اس نے وہ کام کیا جس کی آپ کو کسی سرکاری ملازم سے توقع نہیں ہوگی۔

سی سی ٹی وی فوٹیج میں اہل کار کو ایک دکان سے 600 روپے مالیت کے 10 کلو آم چوری کرتے ہوئے دکھایا گیا ہے۔ جب وہ اپنی بائیک کی سیٹ کے نیچے کی جگہ میں آم رکھ رہا تھا، تو وہ بار بار اپنے اردگرد کا جائزہ بھی لیتا رہا۔

اہلکار اس بات سے بے خبر تھا کہ اس کی واردات قریب کی دکان پر لگے سی سی ٹی وی کیمرے میں ریکارڈ ہو رہی ہے۔ پولیس کے مطابق انھوں نے اہل کار کو بائیک کے نمبر سے شناخت کیا ہے، تاہم وہ فرار ہے اور پولیس اس کی گرفتاری کے لیے چھاپے مار رہی ہے۔

Comments

- Advertisement -