The news is by your side.

’تم نے پالیا مجھے شمشیر‘

اے آر وائی ڈیجیٹل کے ڈرامہ سیریل ’کیسی تیری خود غرضی‘ کی 30 ویں قسط مداحوں کو بھا گئی۔

ڈرامہ سیریل ’کیسی تیری خود غرضی‘ میں دانش تیمور (شمشیر)، درفشاں سلیم (مہک)، لائبہ خان (ندا)، نعمان اعجاز (بابا صاحب)، ٹیپو شریف (دارا، شمشیر کے بھائی) شہود علوی (اکرم مہک کے والد)، لیلیٰ واسطی، عتیقہ اوڈھو (مہوش، شمشیر کی والدہ)، حماد شعیب (احسن) ودیگر مرکزی کردار نبھا رہے ہیں۔

تیسویں قسط میں دکھایا گیا شمشیر افسردہ بیٹھے مہک کو کہہ رہا ہوتا کہ ہے کہ بابا صاحب نے میرے ساتھ کیا کچھ نہیں کیا، مجھے گھر سے نکال دیا، جائیداد سے عاق کردیا، آخری بار ماں کو دیکھنے نہیں دیا۔

شمشیر کہتا ہے انہوں نے سب کچھ کیا لیکن وہ اب بھی مجھ سے خوش نہیں ہیں، جس پر مہک کہتی ہے، وہ تم سے نہیں تمھارے میرے ساتھ سے ناخوش ہیں۔

 جس پر شمشیر اپنی اہلیہ سے کہتے ہیں کہ میرے پاس تمہارے علاوہ اور کچھ نہیں ہے۔

مہک کہتی ہیں کہ ’تم نے اپنی زندگی میرے لیے برباد کردی، کہاں سے کہاں آگئے، تم نے کبھی سوچا نہیں کہ اگر تم مجھے چھوڑ دو تو تمہاری زندگی بہتر ہوسکتی ہے۔

شمشیر ان سے سوال کرتے ہیں تم اب بھی چاہتی ہو کہ میں تمہیں چھوڑ دو جس پر مہک انکار کردیتی ہیں۔

شمشیر کہتے ہیں کہ اگر دماغ سے سوچو تو واقعی بہت نقصان کیا ہے میں نے سب کچھ کھو کر صرف تمہیں پایا ہے اور پتا نہیں پایا بھی ہے یا نہیں پر دل سے سوچو تو یہ فائدے یا نقصان نہیں دیکھتا۔

شمشیر مزید کہتے ہیں کہ ’امیری غریبی، مشکلیں آسانیاں دل نہیں جانتا یہ باتیں، اس دل نے صرف تمہیں چاہا ہے، پہلے دن سے لے کر آج تک میری محبت میں کمی نہیں آئی، کیا کروں دل کے ہاتھوں مجبور ہوں۔

جس پر مہک کہتے ہے کہ ’تم نے پالیا مجھے شمشیر ‘، یہ سن کر شمشیر حیران رہ جاتے ہیں۔

31ویں قسط کے پرومو میں مہک کہتی ہیں کہ ’ہمارے ساتھ جو بھی ہوتا ہے ہم اس کا بدلہ نہیں لے سکتے، میں نے اپنا فیصلہ قدرت پر چھوڑ دیا ہے۔‘

لیکن بابا صاحب کہتے ہیں کہ ’جو اپنی ماں کے مرنے کے بعد کمزور نہیں پڑا تم اس کے لیے کہہ رہے ہو کہ میں اس کی غلطیاں معاف کردوں۔

کیا بابا صاحب شمشیر اور مہک کو معاف کردیں گے؟ کیا مہک بابا صاحب کے خلاف پولیس سے رجوع کریں گی؟ یہ جاننے کے لیے اگلی قسط ہر بدھ کی رات 8 بجے دیکھیں۔

Comments

یہ بھی پڑھیں