چار سال سے شائقین جس فلم کے سیکوئل کا انتظار کر رہے تھے، کنڑ زبان کی اس سپر ڈپر ہٹ فلم KGF چیپٹر 2 کا دھماکے دار ٹریلر جاری کر دیا گیا ہے۔
کے جی ایف چیپٹر 2 کے تخلیق کاروں نے اتوار 27 مارچ کو بنگلورو میں دنیا کے سب سے بڑے ٹریلر کی نقاب کشائی کی تقریب کا انعقاد کیا، فلم کی ٹیم نے دراصل پوری طاقت کے ساتھ پروموشن کا آغاز کر دیا ہے۔
عام طور سے بالی ووڈ میں فلم کی ریلیز پر ایسی پروموشن تقریب منعقد کی جاتی ہے، لیکن KGF فلم کے لیے شائقین میں اتنا جنون پایا جاتا ہے کہ فلم کی ٹیم نے اس کے ٹریلر کی باقاعدہ بڑی تقریب یعنی تمام سپر اسٹارز کو ساتھ لے کر نقاب کشائی کا فیصلہ کیا۔
Watch the event LIVE here: #KGFChapter2TrailerDayhttps://t.co/NECOKSbxfo#KGFChapter2 @TheNameIsYash @prashanth_neel@VKiragandur @hombalefilms @HombaleGroup
— Hombale Films (@hombalefilms) March 27, 2022
2018 میں جب KGF فلم آئی تو اس نے فلم کے شائقین جنون کی حد تک اپنا گرویدہ بنایا، اور چار سال کے طویل انتظار کے بعد اب آخر کار ایک بڑی اسٹار کاسٹ کے ساتھ چیپٹر 2 کو سنیما گھروں میں 14 اپریل کو دیکھ سکیں گے۔ ہومبیل فلمز کے بینر تلے بننے والی اس تاریخی ایکشن مووی کو پرشانت نیل نے لکھا اور ڈائریکٹ کیا ہے، اور اس کے پروڈیوسر وجے کیراگندور ہیں۔
آج بنگلورو میں فلم کے پروڈیوسرز نے فلم کی تشہیر کے لیے دنیا کے سب سے بڑے ٹریلر لانچ ایونٹ کی میزبانی کی، اور ٹریلر ریلیز کر دیا، جو ہوش اڑا دینے والے ایکشن اور دل چھونے والے ڈائیلاگز سے مزین ہے۔
ٹریلیز لانچ تقریب میں لوگوں نے پوری کاسٹ اور عملے کے ساتھ ساتھ انڈسٹری کے بڑی شخصیات کو دیکھا۔
KGF اور یش کے مداحوں نے ٹریلر لانچ ہونے سے پہلے ہی ٹویٹر پر اپنے جوش و خروش کا زبردست مظاہرہ کیا، ایک صارف نے لکھا ٹریلر کے لیے ایسا جنون پہلے کبھی نہیں دیکھا، ایک اور صارف نے لکھا آج وہ دن ہے جس کا ہمیں پچھلے 4 سال سے انتظار تھا۔
واضح رہے کہ یہ کنڑ فلم تامل، تیلگو، ملیالم، اور ہندی میں بھی ریلیز کی جا رہی ہے، فلم کی شوٹنگ کنڑ میں کی گئی ہے، ہیرو یش فلم میں راکی بھائی کا کردار ادا کر رہے ہیں، وہ ہندی میں اپنی ڈبنگ خود کریں گے۔ فلم میں ان کے حریف ادھیرا کا کردار سنجے دت نے ادا کیا ہے، جب کہ روینہ ٹنڈن بھی فلم میں اہم کردار ادا کر رہی ہیں۔
