خیرپور میں گزشتہ روز لاپتہ ہونے والے 3 بچوں کی لاش گھر میں موجود صندوق سے برآمد ہوئی ہیں۔
تفصیلات کے مطابق خیرپور میں ایک افسوسناک واقعہ پیش آیا ہے، جہاں بی سیکشن تھانے کی حدود وڈا سمنگ میں لاپتہ ہونے والے 3 بچوں کی لاشیں گھر میں موجود صندوق سے مل گئیں۔
پولیس نے بتایا کہ جاں بحق ہونے والے بچوں میں دو بہن بھائی اور ایک کزن شامل ہیں، ورثا کے مطابق بچے کھیلنے کے دوران صندوق میں بند ہوگئے تھے۔
پولیس نے بتایا کہ صندوق کے اندر دم گھٹنے سے تینوں بچے جاں بحق ہوگئے، جاں بحق بچوں میں پانچ سالہ مہناز، چار سالہ مدد علی اور کزن عارف شامل ہیں۔
ایس ایچ او انور ابڑو کے مطابق اطلاع پر پولیس نے پہنچ کو لاشیں اسپتال منتقل کردی ہیں جبکہ تفتیش کا آغاز کردیا گیا ہے۔
