خيرپور کے شہر گمبٹ میں دو برادریوں کے درمیان فائرنگ کے نیتجے میں 4 افراد قتل جبکہ 15 افراد زخمی ہوگئے۔
تفصیلات کے مطابق سندھ کے ضلع خیرپور کے شہر گمبٹ میں کلیری اور اجن برادریوں کے درمیان مسلح تصادم میں 4 افراد جاں بحق اور 15 زخمی ہو گئے۔
پولیس کا کہنا ہے کہ پولیس کی بھاری نفری نے علاقے میں کشیدہ صورتِ حال پر قابو پا کر زخمیوں اور لاشوں کو گمس اسپتال منتقل کردیا ہے۔
پولیس کے مطابق واقعہ دونوں برادری کے درمیان پرانی دشمنی کا نتیجہ ہے، 3 سال قبل بھی دونوں برادریوں کے درمیان تصادم میں 3 افراد قتل ہو چکے ہیں۔
مظفر گڑھ میں سرکاری ڈاکٹر قتل
دوسری جانب مظفر گڑھ پل گدارہ میں فائرنگ کرکے ایک سرکاری ڈاکٹر کو قتل کردیا گیا ہے، ڈاکٹر غلام مصطفیٰ اپنے کلنیک سے گھر جارہے تھے کہ اچانک ایک نامعلوم افراد نے فائرنگ کردی۔
فائرنگ سے ڈاکٹر غلام مصطفی موقع پر جاں بحق ہوگئی پولیس کی ابتدائی تفتیش کے مطابق واقعہ پرانی دشمنی کے باعث پیش آیا جبکہ مزید تحقیقات جارہی ہیں۔
