کراچی : ایم کیو ایم کے کنونیئر اور وفاقی وزیر انفارمیشن ٹیکنالوجی خالد مقبول صدیقی نے کہا ہے کہ کراچی کی جمہوریت کو اعتبار آج ملا ہے، جمہوری نظام کو آگے بڑھانے پرسب کو مبارک باد دیتے ہیں۔
ان خیالات کا اظہار انہوں نے کراچی میں ہونے والے ضمنی انتخاب میں متحدہ قومی موومنٹ کے امیدوار کی کامیابی کے بعد میڈیا سے گفتگو کرتے ہوئے کیا۔
خالد مقبول صدیقی نے کہا کہ صد شکر کہ آج طریقہ انتخاب کو کچھ اعتبار بھی ملا ہے،ضمنی انتخابات میں ایم کیو ایم کی فتح جمہوریت اور پاکستان کی جیت ہے۔
ان کا کہنا تھا کہ آج سندھ کے شہری علاقوں کے لوگوں کے ووٹوں کو گنا بھی گیا، جب لوگوں کو ووٹ گنے جانے کایقین ہوگا تو وہ باہربھی آئیں گے، کراچی کی جمہوریت کو اعتبار آج ملا ہے۔
مزید پڑھیں: پی ایس 94ضمنی انتخاب : ایم کیو ایم امیدوار نے میدان مارلیا، پی ٹی آئی دوسرے نمبر پر
انہوں نے کہا کہ کراچی چلتا ہے تو ملک پلتا ہے اب ریاست کو بھی تسلیم کرنا چاہیے کہ سندھ کے شہری علاقوں کا یہی فیصلہ ہے، جمہوری نظام کو آگے بڑھانے پرسب کو مبارک باد دیتے ہیں۔
