لاس اینجلس : امریکا کے شہر لاس اینجلس میں خالصتان کے قیام کیلئے ریفرنڈم کا آغاز کردیا گیا جس کیلیے ووٹنگ کا سلسلہ جاری ہے۔
اے آر وائی نیوز کی رپورٹ کے مطابق خالصتان ریفرنڈم کو بین الاقوامی مبصرین مانیٹر کررہے ہیں، امریکا میں مقیم سکھ برادری انتہائی جوش و خروش سے ریفرنڈم میں شریک ہورہی ہے۔
اس حوالے سے تازہ ترین اطلاعات کے مطابق ووٹنگ کا عمل صبح نو بجے شروع ہوا، جو بلاتعطل شام پانچ بجے تک جاری رہے گا۔
سکھ کمیونٹی دہائیوں پر محیط بھارتی مظالم سے آزادی کی منتظر ہے، خالصہ تحریک بھارتی سکھوں کے لیے علیحدہ وطن کی تحریک ہے، سکھ رہنما بھارت کے ہاتھوں قتل ہونے والے ساتھیوں کیلئے عالمی برادری سے انصاف کی اپیل کریں گے۔
یہ ریفرنڈم بھارت کے لیے پیغام ہے کہ سکھ برادری دنیا میں کہیں بھی ہو آزاد ہے، خالصتان تحریک کے لیے یہ ریفرنڈم بھارتی سکھوں کے لیے آزادی کی نوید ثابت ہوگا۔
کینیڈین شہری ہردیپ سنگھ نجار کا قتل خالصتان تحریک میں شدت کا باعث بنا، عالمی میڈیا رپورٹس کے مطابق اس قتل میں بھارتی خفیہ ایجنسی “را” ملوث پائی گئی تھی۔
بھارت اس سے قبل بھی غیرملکی دہشت گردی کی وارداتوں میں کئی بار ملوث رہا ہے، سکھ ہوں عیسائی ہوں یا مسلمان بھارت میں تمام اقلیتیں غیرمحفوظ ہیں۔
