واشنگٹن: سکھ مظاہرین نے بھارتی وزیر اعظم نریندر مودی کی واشنگٹن آمد پر ولرڈہوٹل کے باہر دھرنا دے دیا اور مودی کیخلاف اور خالصتان کی آزادی کیلئے نعرے لگائے۔
تفصیلات کے مطابق بھارتی وزیر اعظم نریندر مودی کی واشنگٹن آمد پر سکھوں کا احتجاج جاری ہے،مودی واشنگٹن کے ولرڈہوٹل میں مقیم ہیں ، سکھ مظاہرین نے ہوٹل کے باہر دھرنا دے دیا۔
سکھ فار جسٹس نےولرڈ ہوٹل کےباہرخالصتان کےپرچم لہرادیے اور مظاہرین نے مودی کیخلاف اور خالصتان کی آزادی کیلئے نعرے لگائے۔
بھارتی وزیر اعظم نریندرمودی آج وائٹ ہاؤس میں امریکی صدر بائیڈن سے ملاقات کریں گے جبکہ سکھوں کی تنظیم نے وائٹ ہاؤس سےاقوام متحدہ تک مودی کا پیچھا کرنے کا اعلان کررکھا ہے۔
دوسری جانب سکھ فار جسٹس کاصدربائیدن اورنائب صدرکاملا ہیرس کےنام کھلا خط امریکی جریدے میں شائع ہوا، جس میں کہا گیا کہ کسانوں کےپر امن مظاہروں کےدوران600 سےزائدافرادکوریاست نےقتل کیا۔
سکھ فار جسٹس کا کہنا تھا کہ مودی کےمظالم کیخلاف وائٹ ہاؤس سےرابطےمیں ہیں ، سینیٹرزاورکانگریس میں کواس حوالے سے اعتماد میں لے رہےہیں ۔
