خان پور : ایک ماہ میں مکان سے گیارہواں سانپ نکل آیا، جوگی نے بین بجا کر کوبرا سانپ کو قابو کرلیا۔
تفصیلات کے مطابق سپیرے کی بین نے خان پور کے زیر تعمیر مکان سے ایک اور سانپ نکال لیا، گھر والوں نے سانپ کی موجودگی کی اطلاع پر جوگی کو بلایا تھا۔
جوگی نے بین بجائی واسطے دیئے تو سانپ نکل آیا جس پر اہل خانہ کی چیخیں نکل گئیں، خان پور میں زیر تعمیر مکان جو تقریباً سو سال پرانا ہے۔
جوگی کا کہنا ہے کہ یہاں سانپوں کا بسیرا تھا، ایک ماہ میں گیارہواں سانپ اس مکان سے نکلا ہے، خاتون خانہ کا کہنا تھا کہ سو سال پرانا گھر ہے اس کو گرا کر نیا تعمیرکر رہے ہیں، اب تک گیارہواں سانپ نکل آیا ہے، ان سانپوں میں چار یا پانچ کوبرا سانپ تھے، باقی سانپ عام قسم کے تھے، جس کی وجہ سے بچے خوفزدہ اورپریشان ہیں۔
گھر کی تعمیر جاری ہے، اہل خانہ کو اس بات کاخوف ہے کہ پتہ نہیں اور کتنے سانپ اس مکان میں موجود ہیں۔
