سعودی عرب کے وزیر ثقافت بدر بن عبداللہ بن محمد بن فرحان آل سعود سے بالی ووڈ اداکار شاہ رخ خان، سلمان خان، سیف علی خان اور اکشے کمار کے ساتھ ملاقات کی تصاویر شیئر کردیں۔
سعودی وزیر ثقافت نے سماجی رابطے کی ویب سائٹ ٹویٹر پر تصاویر شیئر جس میں بھارتی اداکاروں کو خوشگوار موڈ میں دیکھا جاسکتا ہے۔
بدر بن فرحان نے تصاویر شیئر کرتے ہوئے لکھا کہ ’بھارتی فلم انڈسٹری کے سپر اسٹارز سے ملاقات کرکے بہت اچھا لگا، ملاقات کا مقصد شراکت کے مواقع تلاش کرنے کے لیے تعاون کرنا تھا۔
لقاءات مثمرة مع نجوم بوليوود @iamsrk @BeingSalmanKhan @akshaykumar وسيف خان، استكشفنا خلالها العديد من فرص الشراكة بين السينما السعودية والهندية.#رؤية_السعودية_2030 pic.twitter.com/Itb3RpBkgk
— بدر بن عبدالله بن فرحان آل سعود (@BadrFAlSaud) April 2, 2022
واضح رہے کہ شاہ رخ خان کی نئی فلم ’پٹھان‘ آئندہ سال جنوری میں ریلیز کی جائے گی جس میں ان کے ہمراہ دپیکا پڈوکون مرکزی کردار نبھا ئیں گی۔
دبنگ خان بھی فلم ٹائیگر تھری کی شوٹنگ میں مصروف ہیں، سلمان خان اور کترینہ کیف اسٹارر فلم اپریل 2023 میں ریلیز کیے جانے کا امکان ہے۔
اکشے کمار کی حال ہی میں فلم بچن پانڈے ریلیز ہوئی ہے، کھلاڑی کمار کی آنے والی فلموں میں پرتھوی راج، رکشا بندھن، رام سیتھو اور سیلفی شامل ہیں۔
سیف علی خان نئی فلم وکرم ویدھا میں ری تھک روشن کے ساتھ اداکاری کے جوہر دکھائیں گے۔