سعودی عرب میں رمضان المبارک کی 29 ویں شب کو 25 لاکھ سے زائد افراد مسجد الحرام میں ختم قرآن کی دعا شریک ہوئے۔
سعودی خبر رساں ادارے کی رپورٹ کے مطابق لاکھوں مسلمانوں نے روحانی فضا میں خشوع و خصوع سے دعائیں طلب کیں۔
رپورٹس کے مطابق رمضان المبارک کی آخری طاق رات اور جمعہ الوداع کی وجہ سے بھی زائرین کی بڑی تعداد صبح سے ہی مسجد الحرام میں پہنچ گئی تاکہ شرکت کو یقینی بنایا جاسکے۔
زائرین کی بڑی تعداد کے پیش نظر مسجد الحرام میں انتظامیہ کی جانب سے مثالی انتظامات کیے گئے تھے۔ سیکیورٹی اہلکاروں کے ساتھ رضاکار اور شہری دفاع کے یونٹس بھی زائرین کی آمد رفت کو منظم رکھنے بھرپور کردار ادا کررہے تھے۔
مقدس مسجد کے اندر سعودی عرب کی تیسری توسیع کے علاوہ دوسری اور تیسری منزل اور چھت کے علاوہ بیرونی صحن اور راستے بھی دعائے ختم قرآن کے وقت فرزندان اسلام سے بھرے ہوئے تھے۔
رپورٹس کے مطابق مسجد الحرام کے اندر اور بیرونی صحنوں میں صفائی کے خصوصی انتظامات کیے گئے تھے جس کے لیے اضافی کارکناں کو طلب کرلیا گیا تھا۔
یواےای میں نمازِ عید کے اوقات کا اعلان
اس کے علاوہ معمر اور معذور افراد کے لیے مسجد الحرام میں داخل ہونے کے مخصوص راستوں پر اہلکاروں کو تعینات کیا گیا تھا۔بہترین انتظامات کے باعث آنے والے زائرین کو کسی قسم کی مشکلات کا سامنا نہیں کرنا پڑا۔
