سیالکوٹ: وزیر دفاع خواجہ آصف کا کہنا ہے کہ 2018 کے انتخابات میں جو کچھ ہوا، اس کا خمیازہ قوم پتہ نہیں کب تک بھگتے گی۔
تفصیلات کے مطابق وزیر دفاع خواجہ محمد آصف نے ڈسٹرکٹ بار میں وکلا سے خطاب کرتے ہوئے کہا کہ میں 1971 میں اس بار کا ممبر بنا، ڈسٹرکٹ بار کے مسائل کو ترجیحی بنیادوں پرحل کرنے کی کوشش کریں گے۔
وزیر دفاع کا کہنا تھا کہ ایف آئی اے کورٹ کے سیالکوٹ میں قیام کیلئےوزیرداخلہ سےبات کروں گا اور بینکنگ کورٹ کے لئے متعلقہ اتھارٹی سے بات کی جائے گی۔
ملکی معاشی صورتحال کے حوالے سے خواجہ آصف نے کہا کہ ملک سنجیدہ حالات میں مبتلا ہو چکا ہے، گزشتہ 4سال میں معاشی تباہی کی گئی ، مالی مشکلات سے جلد نکل آئیں گے۔
وزیر دفاع نے مزید کہا کہ دوہزاراٹھارہ کے انتخابات میں جو کچھ ہوا، وہ پرانے انتخابات کے شکوک سے کہیں آگے نکل گئے، اس کا خمیازہ قوم پتہ نہیں کب تک بھگتے گی۔