اسلام آباد: وزیر خارجہ خواجہ آصف کا کہنا ہے کہ کشمیری 70 سال سے حق خود ارادیت کے لیے جدوجہد کر رہے ہیں۔ اقوام متحدہ میں قراردادیں بھارتی ہٹ دھرمی سے التوا کا شکار ہیں۔
تفصیلات کے مطابق یوم یکجہتی کشمیر سے متعلق وزیر خارجہ خواجہ آصف نے اپنے پیغام میں کہا کہ کشمیری 70 سال سے حق خودارادیت کے لیے جدوجہد کر رہے ہیں۔
انہوں نے کہا کہ کشمیری بھارتی ریاستی دہشت گردی کے خلاف جدوجہد کر رہے ہیں۔ اقوام متحدہ میں قراردادیں بھارتی ہٹ دھرمی سے التوا کا شکار ہیں۔ پاکستان کا عالمی برادری سے مطالبہ ہے کہ ذمہ داریاں پوری کرے۔
خواجہ آصف کا کہنا تھا کہ پاکستان بھارت کے درمیان مسئلہ کشمیر تنازعے کا بنیادی سبب ہے۔ مسئلہ کشمیر کے حل کے بغیر خطے میں امن کا قیام ممکن نہیں۔
خیال رہے کہ مقبوضہ کشمیر میں جاری بھارتی فورسز کی ریاستی دہشت گردی اور تشدد کے خلاف آج پاکستان میں یوم یکجہتی کشمیر منایا جارہا ہے۔
رواں ہفتے 24 گھنٹوں کے دوران مقبوضہ کشمیر کے ضلع اسلام آباد اور شوپیاں میں غاضب بھارتی فورسز نے سرچ آپریشن کے دوران 16 کشمیری نوجوانوں جبکہ 4 نوجوانوں کو نماز جنازہ کے دوران فائرنگ کر کے شہید کردیا تھا۔
خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔
