اسلام آباد : وزیردفاع خواجہ آصف نے خبردار کیا ہے کہ پاکستان پر کوئی حملہ ہوا تو پھر جنگ ہی ہوگی، پاک فوج کسی بھی صورتحال کیلئے تیار ہے۔
تفصیلات کے مطابق وزیر دفاع خواجہ آصف نے اسکائی نیوز کو انٹرویو میں پاک بھارت کشیدگی کے حوالے سے کہا کہ پاک فوج کسی بھی صورتحال کیلئے تیار ہے، بھارت جو کرے گا اسے ویسا ہی جواب دیا جائے گا۔
وزیر دفاع کا کہنا تھا کہ حملے کو تنازع بنانا پاکستان اوربھارت کے درمیان جنگ کا باعث بن سکتا ہے، دنیا کواس بات کی فکرہونی چاہیے کہ دونوں ممالک کے پاس جوہری ہتھیار ہیں۔
مزید پڑھیں : بھارت طالبان کو ہتھیار سپلائی کر کے پاکستان میں حملے کیلئے تیار کر رہا ہے، وزیر دفاع
انھوں نے خبردار کیا کہ اگر پاکستان پر کوئی حملہ ہو تو ظاہر ہے پھر جنگ ہوگی، بھارت کوپیغام ہے ہمارے مسائل بہت سنجیدہ ہیں، انہیں مذاکرات سے حل کرسکتے ہیں، چیزیں بگڑتی ہیں تو خطہ ہی نہیں دنیا پر اثرات پڑیں گے۔
وفاقی وزیر کا کہنا تھا کہ صدر ٹرمپ کی توجہ دنیا کے فلیش پوائنٹس پر ہے، اگر وہ مداخلت کرنا چاہیں تو کرسکتے ہیں۔
