اسلام آباد: وزیرخارجہ خواجہ آصف کا کہنا ہے کہ بھارت سندھ طاس معاہدے میں تعاون نہیں کررہا عالمی بینک بھارت سے آبی معاہدے پر عمل درآمد یقینی بنائے۔

تفصیلات کے مطابق اسلام آباد میں سندھ طاس معاہدے سے متعلق سیمینار سے خطاب کرتے ہوئے وزیر خارجہ خواجہ آصف نے کہا کہا کہ دور حاضر میں موسمیاتی تبدیلیوں کی وجہ سے بھی آبی وسائل کی اہمیت میں اضافہ ہوا ہے۔

خواجہ آصف کا کہنا تھا کہ پاکستان سندھ طاس معاہدے کی پاسداری پر قائم ہے جبکہ بھارت سندھ طاس معاہدے میں تعاون نہیں کر رہا۔ انہوں نے کہا کہ ہمیں بھارت کے آبی ذخائرکےڈیزائن پرتحفظات ہیں۔

انہوں نے کہا کہ بھارت معاہدےمیں وضع ڈیزائن اور طریقہ کارپرعمل نہیں کررہا بھارت سندھ طاس معاہدےکے بنیادی نکات سےانحراف کررہا ہے۔

واضح رہے کہ وزیرخارجہ کا کہنا تھا کہ گلیشئر سے حاصل ہونے والا پانی بھی ہمارے وسائل کا حصہ ہے۔ انہوں نے کہا کہ موسمی تبدیلیوں سے بھی آبی وسائل کی اہمیت میں اضافہ ہوا۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔