مسلم لیگ ن کے رہنما سعد رفیق بھی پیکا قانون کے کیخلاف میدان میں آگئے اور کہا کسی حکومت کے پاس شہریوں پر شکنجہ کسنے کے لا محدود اختیارات نہیں ہونے چاہئیں۔
تفصیلات کے مطابق مسلم لیگ ن کے رہنما سعد رفیق نے سماجی رابطے کی ویب سائٹ ایکس پر پیکا قانون کے حوالے سے پیغام میں کہا کہ فیک نیوز ایک بہت بڑامسئلہ بن چکا ہے، کسی حکومت کے پاس شہریوں پرشکنجہ کسنے کے لامحدود اختیارات نہیں ہونے چاہئیں۔
ن لیگی رہنما کا کہنا تھا کہ پیکاقانون پر نمائندہ میڈیا تنظیموں سےمشاورت کی جائے، قانون کے تحت بنائے ٹربیونلز کے فیصلوں کیخلاف اپیل کا حق ہائیکورٹس کو دیا جائے۔
انھوں نے زور دیا کہ بنیادی حقوق کے تحفظ کیلئے پیکا قانون میں اسٹیک ہولڈرزکی مشاورت سے ضروری ترامیم لائی جائیں۔
سعد رفیق کا مزید کہنا تھا کہ قوانین کی چھڑی ہمیشہ وقت بدلنے کیساتھ اسے بنانے والوں کیخلاف استعمال ہوتی ہے۔
