خواجہ آصف نے جرات و تدبر سے امریکی پالیسی میکرز کو ان کی سرزمین پر آئینہ دکھایا saad
The news is by your side.

Advertisement

خواجہ آصف نے جرات و تدبر سے امریکی پالیسی میکرز کو ان کی سرزمین پر آئینہ دکھایا ہے، سعد رفیق

لاہور : وفاقی وزیر ریلوے خواجہ سعد رفیق نے کہا ہے کہ خواجہ آصف نے جرات و تدبر سے امریکی پالیسی میکرز کو ان کی سرزمین پر آئینہ دکھایا ہے۔

وفاقی وزیر ریلوے خواجہ سعد رفیق نے سماجی رابطے کی ویب سائٹ ٹوئٹر پر اپنے پیغام میں کہا کہ اسلامی انتہا پسندی کو ہوا دینے میں امریکی پالیسیوں کا کردار کلیدی ہے، خواجہ آصف نے جرات و تدبر سے امریکی پالیسی میکرز کو ان کی سرزمین پر آئینہ دکھایا ہے۔

خواجہ سعد رفیق نے کہا کہ دوسروں کو ڈومور کا مشورہ دینے والے امریکی حکمران دنیا میں فساد پھیلانے کے ذمہ دار ہیں، پاکستانی قوم اور سکیورٹی اداروں کی عظیم قربانیوں کا اعتراف نہ کرنا شدید ناانصافی ہے۔

وفاقی وزیر ریلوے نے اپنے ٹوئٹ میں تحریک انصاف کو تنقید کا نشانہ بناتے ہوئے کہا کہ غیر ملکی فنڈز پر پلنے والی پی ٹی آئی قیادت کو دوسروں کے بجائے اپنے گریبان میں جھانکنا چاہیئے،عمران خان کے یہودی لابی سے مراسم کوئی راز کی بات نہیں ہے۔

انھوں نے مزید کہا کہ مسلم لیگ پاکستان کی نظریاتی لائن آف ڈیفنس ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Comments

comments

یہ بھی پڑھیں