The news is by your side.

Advertisement

خاور قریشی کو کیوں‌ چنا؟ پی ٹی آئی کا وزیراعظم سے سوال

اسلام آباد: تحریک انصاف نے وزیراعظم سے جواب مانگ لیا ہے کہ کلبھوشن کا مقدمہ لڑنے کے لیے آخر خاور قریشی ہی کو کیوں چنا گیا؟

اطلاعات کے مطابق تحریک انصاف نے وزیراعظم کو ایک خط لکھا ہے جس میں کہا ہے کہ کلبھوشن یادیو کے مقدمے کی پیروی کے لیے آخر خاور قریشی ہی کو کیوں چنا گیا؟ اٹارنی جنرل آف پاکستان کو کیوں نہیں بھیجا گیا۔

پی ٹی آئی نے سوال کیا ہے کہ عالمی عدالت انصاف جانے کے لیے خاور قریشی کو کس تجربے کی بنیاد پر ذمہ داری سونپی گئی؟

خط میں پی ٹی آئی نے خاور قریشی کو مقرر کرنے اور دیگر اہم وکلا کو نظر اندا ز کرنے کی وجوہات بھی پوچھ لیں۔


خط میں کہا گیا کہ قطری پس منظر رکھنے والے خاور قریشی آپ کے قطری روابط کو مشکوک بنارہے ہیں۔

دریں اثنا خط میں پی ٹی آئی نے سجن جندال سے ہونے والی ملاقات کی تفصیلات بھی مانگ لی ہیں۔

یہ پڑھیں: کلبھوشن عالمی عدالت کیس: خاور قریشی بھارت کے وکیل رہ چکے ہیں

 خیال رہے کہ عالمی عدالتِ انصاف میں پاکستان کی جانب سے کلبھوشن کیس لڑنے والے خاور قریشی بھارت کے وکیل رہ چکے ہیں، کانگریس نے 2004ء میں انہیں ایک مقدمے کے لیے مقرر کیا تھا۔

Print Friendly, PDF & Email

Comments

comments

یہ بھی پڑھیں