تازہ ترین

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

جون تک پی آئی اے کی نجکاری کا عمل مکمل کرلیا جائے گا، وفاقی وزیر خزانہ

کراچی : وزیرخزانہ محمداورنگزیب کا کہنا ہے کہ پی...

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

تیز رفتار کوچ نے موٹر سائیکل سوار میاں بیوی اور ساس کو کچل دیا

کراچی : تیز رفتار مساافر کوچ نے موٹر سائیکل پر جانے والے تین افراد کو کچل ڈالا، حادثہ میں موٹر سائیکل سوار میاں بیوی اور ساس جاں بحق ہوگئے، تین جنازے گھر پہنچنے پر کہرام مچ گیا۔

تفصیلات کے مطابق کراچی کے علاقے مواچھ گوٹھ میں ٹریفک حادثہ پیش آیا ہے جس میں ایک تیز رفتار مسافر کوچ نے موٹر سائیکل کو ٹکر ماری جس کے نتیجے میں تین افراد جاں بحق ہوگئے۔

جاں بحق ہونے والوں میں میاں بیوی اور ساس شامل ہیں۔ پولیس کے مطابق ہلاک شدگان کی لاشیں اسپتال منتقل کی گئیں اور قانونی کارروائی کے بعد انہیں ورثاء کے حوالے کردیا گیا

جاں بحق افراد میں 55 سالہ زینب، 28 سالہ الفت اور 33 سالہ عبدالحفیظ شامل ہیں، جاں بحق ہونے والوں کی تین میتیں ان کے گھر پہنچیں تو علاقے میں کہرام مچ گیا، اہل کانہ دھاڑیں مار کر روتے رہے۔

مزید پڑھیں: کراچی میں ڈمپر نے موٹر سائیکل سوار کو کچل دیا

یاد رہے کہ چند روز قبل کراچی کے علاقے شاہ فیصل کالونی کے قریب ڈمپر کی ٹکر سے موٹر سائیکل سوار جاں بحق ہوگیا تھا، مقتول سید معاذ حافظ قرآن اور ایم بی اے فائنل ایئر کا طالب علم تھا۔

حادثے کے بعد مشتعل افراد نے ڈمپر کو آگ لگادی، ڈمپر ڈرائیور فرار ہونے میں کامیاب ہوگیا۔ سید معاذ کی عمر 24 سال تھی اور اس روز مقتول کا ایم بی اے فائنل ایئر کا پیپر تھا۔

آئے روز شہر میں ڈمپر کی ٹکر سے شہری اپنی قیمتی جانوں سے ہاتھ دھو بیٹھتے ہیں لیکن متعلقہ حکام کی جانب سے کچھ نہیں کیا جاتا جو ایک سوالیہ نشان ہے۔

واضح رہے کہ گزشتہ سال جون میں بھی لانڈھی میں ڈمپر کی ٹکر سے بچہ جاں بحق ہوگیا تھا، مشتعل افراد کی جانب سے ڈمپر کو آگ لگادی گئی تھی۔

Comments

- Advertisement -