کراچی : تحریک انصاف کے رہنما خرم شیرزمان نے کہا ہے کہ شہر کراچی ان بارشوں میں دوبارہ ڈوبا تو اس کی ذمہ دار سندھ حکومت ہوگی۔

کراچی میں میڈیا سے گفتگو کرتے ہوئے خرم شیرزمان نے کہا کہ صوبہ سندھ میں عوام کی حالت اچھی نہیں لیکن پھپھو کے خلاف کوئی بات نہیں کرسکتا۔

پی ٹی آئی کے رہنما نے کہا کہ وفاقی حکومت کے فنڈز سے کراچی کے 3بڑے نالے صاف کیے گئے، سندھ حکومت باقی نالوں کو اب تک صاف نہیں کرسکی۔

خرم شیرزمان نے کہا کہ یہ شہر بارشوں میں اگر دوبارہ ڈوبا تو اس کی ذمہ دار سندھ حکومت ہوگی، سندھ میں کرپشن کے علاوہ پیپلزپارٹی نے کچھ نہیں دیا، نقل روکنے کیلئے رینجرز کو بلایا گیا ہے۔