اسلام آباد؛ اپوزیشن لیڈر خورشید شاہ نے وفاقی وزیرداخلہ کی جانب سے لگائے گئے بیان کے جواب میں کہا کہ میں اُن کی بات کو سنجیدہ نہیں لیتا لیکن اگر کوئی جاننا چاہتا ہے کہ کون کس سے ملتا تھا تو چوہدری اعتزازاحسن سے پوچھ لیا جائے۔
Khursheed Shah discloses major secret to ARY News by arynews
قائد حزاب اختلاف خرشید شاہ نے اے آر وائی کے رپورٹر سے بات کرتے ہوئے کہا کہ کسی کو یہ معلوم کرنے کا شوق ہے کہ کون کس سے ملتا تھا تو چوہدری اعتزازاحسن سے معلوم کرلیں کہ وہ کون سا لیڈر تھا جو وکلاء تحریک کے دوران چوہدری اعتزاز احسن سے آکر ملتا تھا اور مل کر بیٹھنے کے لیے درخواست کرتا تھا۔
خورشید شاہ نے چوہدری اعتزازاحسن کو مخاطب کرتے ہوئے کہا کہ چوہدری اعتزاز احسن ذمہ دار شخص ہیں پتہ نہیں چوہدری صاحب بتائیں گے یا نہیں مگر میں اپیل کرتا ہوں کہ اب وقت آگیا ہے چوہدری اعتزاز احسن وہ حقیقت بتا دیں جو مجھے معلوم ہیں تا کہ لوگوں کو حقیقت کا معلوم ہو جائے اور دودھ کا دودھ اور پانی کا پانی ہو جائے گا۔
اپوزیشن لیڈر خورشید شاہ نے کہا کہ اے آر وائی پہلا چینل ہے جس سے یہ بات کر رہا ہوں ورنہ پہلے میں نے کبھی یہ بات کسی کو نہیں بتائی تھی تا کہ لوگوں کو صحیح صورت حال کا پتہ چل جائے،اپوزیشن چوہدری اعتزازسےذرا پوچھ لیں جب وکلا تحریک چل رہی تھی کونسا لیڈرتھا جو اُن سے آکر ملتا تھا اور اعتزاز احسن سے کہتا تھا آؤ مل کر بیٹھیں اور کچھ ایسی تجویزیں بھی دیتا تھا وہ کیا تجویزیں دیتا ہے چوہدری اعتزاز قوم کو بتا دیں۔
