سکھر : پیپلزپارٹی رہنما خورشید شاہ نے بجلی بلوں میں اضافے پر ردعمل دیتے ہوئے کہا کہ لوگ بل اداکرناشروع کریں بجلی سستی ہو جائے گی۔
تفصیلات کے مطابق پیپلزپارٹی رہنما سید خورشید احمد نے ہاکی کلب میں میڈیا سے گفتگو کرتے ہوئے بتایا کہ 5ارب کابینظیربھٹوکمپلیکس پراجیکٹ لارہے ہیں۔
خورشید شاہ کا کہنا تھا کہ میری سوچ ہے آسٹریلیا کے طرزکی اسپورٹس یونیورسٹی قائم کروں اور 5سال کے بعد ہمارے بچے ٹرینڈ ہو کر اولمپکس جائیں گے۔
- Advertisement -
بجلی بلوں میں اضافے پر پی پی رہنما نے کہا کہ لوگ بل اداکرناشروع کریں بجلی سستی ہو جائےگی، ہم سب کومل کرپاکستان کی بہتری کےلئےکام کرناچاہیے۔
ان کا مزید کہنا تھا کہ بجٹ کے بعد مہنگائی عوام پر اثر انداز ہوئی ہے، گزارش ہے دوبارہ نظرثانی کرکے عوام کو ریلیف دیا جائے۔
