اسلام آباد : قائد حزب اختلاف خورشید شاہ کا کہنا ہے کہ نوازشریف کےبہت قریب لوگ ان کیخلاف سازش کررہے ہیں، نوازشریف جانتے ہیں ان کادشمن کون ہے، نوازشریف اب بھاگے توتباہ ہوجائیں گے۔
تفصیلات کے مطابق اپوزیشن لیڈر خورشید شاہ نے میڈیا سے گفتگو کرتے ہوئے کہا کہ بات واضح ہے ہم نے یو ٹرن نہیں لیا، ہمارے تحفظات تھے، سندھ میں دیکھائی گئی آبادی کم ہے، ہماری آبادی کے لحاظ سے 10 سے 12 سیٹیں بڑھنی چاہیے تھیں، آئندہ الیکشن 1998 کی مردم شماری پر کرانے میں کوئی ہرج نہیں۔
خورشید شاہ کا کہنا تھا کہ مردم شماری پر سوالیہ نشان ہے، الیکشن مقررہ وقت پر ہونے چاہیے ہم قبل ازوقت الیکشن کے حامی نہیں، 1998 کی مردم شماری پر ن لیگ2013کا الیکشن جیتی، پرانی مردم شماری پرانتخابات پر تحفظات نہیں ہونے چاہئیں۔
اپوزیشن لیڈر نے کہا کہ نوازشریف کےبہت قریب لوگ ان کیخلاف سازش کررہے ہیں، نوازشریف جانتے ہیں ان کادشمن کون ہےنوازشریف اب بھاگےتوتباہ ہوجائیں گے۔
انکا کہنا تھا کہ دعاگو ہوں2018کےجولائی یااگست میں الیکشن ہوں، سعودی عرب پر ہماری جان بھی قربان ہے۔
شاہد خاقان عباسی پر تنقید کرتے ہوئے رہنماپیپلزپارٹی نے کہا کہ شاہد خاقان عباسی قائم مقام وزیراعظم ہیں ، یہ جوک آف دی ائیر ہے کہ نااہل شخص کو شاہد خاقان عباسی اپناوزیراعظم کہتے ہیں، ہم اپنی اپنی لڑائیوں میں لگے ہیں. غریب کے بارے میں بھی سوچنا چاہیے. موجودہ صورتحال سیاسی بھی ہے اور معاشی بھی۔
مزید پڑھیں : نواز شریف صاحب!یہ مکافات عمل ہے، خورشید شاہ
یاد رہے کہ چند روز قب قائد حزب اختلاف خورشید شاہ کا کہنا تھا کہ نواز شریف صاحب!یہ مکافات عمل ہے، نوازشریف وہ دن یادرکھیں جب آصف زرداری سےملاقات سے انکار کیا تھا، نوازشریف نے اس وقت خود کو کسی کو خوش کرنے کیلئے ملاقات نہیں کی تھی۔
خورشیدشاہ نے سوال کیا تھا کہ نوازشریف بتائیں کسی کوخوش کرنے کیلئے ایسا کیوں کیا تھا ، نوازشریف کو ساتھ جو ہورہا ہے وہ مکافات عمل ہے ، نوازشریف مشکل میں ہیں جمہوریت مشکل میں نہیں۔
