سکھر : پیپلز پارٹی کے سینیئر رہنما خورشید شاہ نے کہا ہم عورتوں کو وہ مقام نہیں دے سکے جو ان کا حق ہے، خاتون صرف روٹی بنانے اور پانی بھرنے کیلئےنہیں ہے، معاشرے میں تبدیلی تب آئی گی جب ہم نصاب خواتین کو ہاتھ میں دیں۔
تفصیلات کے مطابق پیپلز پارٹی کے سینیئر رہنما خورشید شاہ نے میڈیا سے گفتگو میں خواتین کے حوالے سے کہا خواتین کا حق مردوں کے برابر ہے مگر مردوں کنجوسی کرتےہیں، نہ صرف ملک کے بلکہ پورے دنیا میں خواتین کا اہم کرداررہا ہے۔
خورشید شاہ کا کہنا تھا کہ ہم عورتوں کو وہ مقام نہیں دے سکے جو ان کا حق ہے، عورتوں کا ایک بہت بڑا حصہ ہے، معاشرے میں تبدیلی تب آئی گی جب ہم نصاب خواتین کو ہاتھ میں دیں۔
معاشرےمیں تبدیلی تب آئی گی جب ہم نصاب خواتین کو ہاتھ میں دیں
پی پی رہنما نے کہا بھٹوصاحب کی حکومت میں خواتین کو بہت اہمیت دی گئی، ہماری حکومتیں گرلز پروگرام شروع کریں،گاؤں میں اسکولز بنائیں۔
ان کا کہنا تھا فاطمہ جناح نے پاکستان بنانے میں ایک بڑا کرادار ادا کیا اور رانا لیاقت علی کی بات کریں وہ کسی گاؤں سے نہیں تھی جبکہ ملالہ یوسفزئی نے پرائمری اسکول میں تعلیم حاصل کی۔
خورشیدشاہ نے کہا ہم اپنی ملک کے80فیصد سرمائےکوضائع کررہےہیں، خاتون صرف روٹی بنانے اور پانی بھرنے کیلئے نہیں ہے، پڑھی لکھی خاتون اپنے بچے کوبھی وہی ٹیلنٹ دیتی ہے۔
پیپلزپارٹی کے رہنما کا کہنا تھا ہم معاشرے کی تربیت کریں خواتین کا مقام ایک اہمیت رکھتا ہے، آج کا دن صرف خواتین کیلئے بات کروں گایہ ہی سیاست کی بات ہے۔
انھوں نے مزید کہا ہمارےمعاشرے میں سیاستدان کےلفظ کوگالی سمجھا جاتا ہے، سیاست کانام خدمت کاہے، مسائل کے حل کا نام سیاست ہے۔
