site
stats
پاکستان

دعویٰ 700 ارب کی سرمایہ کاری کا لیکن عوام پانی کوترس رہے ہیں، خورشید شاہ

مانسہرہ : قومی اسمبلی میں قائدِ حزب اختلاف سید خورشید شاہ نے کہا ہے کہ ایک طرف کہا جاتا ہے کہ 700 ارب کی سرمایہ کاری ہو رہی ہے لیکن حقیقت یہ ہے کہ عام آدمی پانی کو بھی ترس رہا ہے۔

وہ مانسہرہ میں جلسہ عام سے خطاب کر رہے تھے انہوں نے کہا کہ ذوالفقارعلی بھٹوعوامی لیڈر تھے جب وہ جیل گئے تو وہاں بھی وزیر اعظم تھے لیکن آج کا وزیراعظم جیل جانے سے ڈر لگتا ہے۔

خورشید شاہ نے کہا ہے کہ پیپلز پارٹی نے ہمیشہ جانوں کی قربانیاں دی ہیں اور اس پاک وطن میں جمہوریت کی بقاء کے لیے جیلیں بھگتیں، کوڑے کھائے اور پھانسی چڑھے لیکن اپنے مقصد سے پیچھے نہیں ہٹے۔

قومی اسمبلی میں قائد حزب اختلا ف کا کہنا تھا کہ ہم لوگ وہ ہیں جنہوں نے قوم کے لیے خون دینے والے ہیں جب کہ تم خون لینے والے ہو اور جمہوریت کے خلاف ہر سازش میں پراول کردار ادا کیا۔

یہ بھی پڑھیں : عمران خان صادق اور امین نہیں ہیں، بلاول بھٹو

خورشید شاہ نے مزید کہا کہ ملک میں دہرا نظام نافذ ہے یہاں چند خاندانوں کو تمام تر سہولیات میسر ہیں جب کہ غریب کو نہ تو صاف پانی میسر ہے اور نہ علاج معالجے کی سہولیات فراہم کی جا تی ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top