site
stats
سندھ

امجد صابری کا قتل بہت بڑا نقصان ہے، خورشید شاہ

کراچی : قائد حزب اختلاف سید خورشید شاہ نے کہا ہے کہ امجد صابری کے قتل سے ملک کو بہت بڑا نقصان ہوا ہے، جس کی کمی کو کبھی پورا نہیں جاسکتا۔

تفصیلات کے مطابق اپوزیشن لیڈر خورشید شاہ نے قوال امجد علی صابری کے گھر کا دورہ کر کے ان کے اہل خانہ سے اظہار تعزیت کی۔

اس موقع پر انہوں نے میڈیا سے گفتگو کرتے ہوئے کہا کہ دو واقعات نے حکومت کو ہلا کر رکھ دیا ہے، کراچی میں امن قائم کرنا حکومت کی ذمہ داری ہے۔

انہوں نے مزید کہا کہ قاتلوں کو گرفتار کرنا حکومت اور قانون نافذ کرنے والے اداروں کے لئے کسی امتحان سے کم نہیں ہے مگر قاتل کسی صورت بچ نہیں سکتے۔

اس موقع پر امجد علی صابری کے بھائی ثروت صابری بھی موجود تھے، مرحوم کی مغفرت اور درجات کی بلندی کے لئے خصوصی دعا اور فاتحہ خوانی بھی کی گئی۔

معروف قوال کی تدفین کے بعد ملک بھر کی معروف سیاسی سماجی شخصیات اور عوام کی بڑی تعداد نے اہل خانہ سے تعزیت کے لئے صابری ہاؤس کی آمد کا سلسلہ جاری ہے۔

معروف قوال کو ایصال ثواب پہنچانے کے لئے ان کے گھر کے باہر قرآن و فاتحہ خوانی کا سلسلہ جاری ہے، مداحوں کی بڑی تعداد سپراسٹار کو ایصال ثواب پہنچانے کے لئے قرآن خوانی میں شرکت کررہی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top