تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

پارلیمنٹ میں فساد نہیں پھیلانا چاہتے: خورشید شاہ

اسلام آباد: پیپلز پارٹی کے سینئر رہنما خورشید شاہ کا کہنا تھا کہ ہم پارلیمنٹ میں فساد پھیلانا نہیں چاہتے۔ گالم گلوچ سے سیاست نہیں چلے گی، ایوان کا ماحول درست رکھیں، یہ سب کے لیے اچھا ہوگا۔

تفصیلات کے مطابق پیپلز پارٹی کے سینئر رہنما اور سابق اپوزیشن لیڈر خورشید شاہ نے قومی اسمبلی کے اجلاس میں اظہار خیال کرتے ہوئے کہا کہ 5 سال کے بجائے 3 مہینوں کے فسادیوں کا ریکارڈ مانگ لیں۔

خورشید شاہ نے کہا کہ 5 سال کا ریکارڈ مانگیں گے تو بائیں جانب کوئی نہیں بچے گا۔

انہوں نے کہا کہ محترمہ بے نظیر بھٹو شہید جمہوریت کے لیے رول ماڈل تھیں، ایک نیا ایئر پورٹ بنا جس کا نام بے نظیر بھٹو ایئرپورٹ رکھا گیا۔ کچھ دوستوں کو اعتراض ہوا نام تبدیل کر کے اسلام آباد ایئر پورٹ رکھ دیا۔ ایئر پورٹ کا نام بے نظیر ہو یا نہ ہو، بے نظیر بھٹو شہید کا نام قائم رہے گا۔

خورشید شاہ کا کہنا تھا کہ عدالت کیوں رکھتے ہیں اس پر احتجاج بھی نہیں کریں گے۔

انہوں نے کہا کہ کل ایک ناخوشگوار واقعہ ہوا، ہم پارلیمنٹ میں فساد پھیلانا نہیں چاہتے۔ اسپیکر کی جانب سے بلایا گیا، اپوزیشن ارکان حاضر ہوئے۔ سینئر رہنما کا کہنا تھا کہ گالم گلوچ سے سیاست نہیں چلے گی۔ ایوان کا ماحول درست رکھیں، یہ سب کے لیے اچھا ہوگا۔

Comments

- Advertisement -