The news is by your side.

Advertisement

سی پیک منصوبوں کے ثمرات جی ڈی پی گروتھ کی صورت میں جلد نظر سامنے آئیں گے: خسرو بختیار

اسلام آباد: وفاقی وزیر منصوبہ بندی و ترقی خسرو بختیار نے کہا ہے سی پیک منصوبوں کے ثمرات جلد معیشت پر نظر آئیں گے، ایک سال بعد جی ڈی پی گروتھ دیکھیں گے، سی پیک کے تمام پروجیکٹ مقررہ وقت پر پورے ہوں گے۔

تفصیلات کے مطابق آج اسلام آباد میں پریس کانفرنس کرتے ہوئے خسرو بختیار نے کہا چین کے دورے پر بہت سے منصوبے لے کر جا رہے ہیں، کے پی میں سات پائلٹ پراجیکٹ شروع کر رہے ہیں، پی ٹی آئی حکومت نمایش پر کم، کام پر زیادہ یقین رکھتی ہے۔

انھوں نے کہا ساڑھے 4 ہزار میگا واٹ بجلی کے منصوبے چل رہے ہیں، 19 کمپنیاں انویسٹمنٹ کرنے کے لیے تیار بیٹھی ہیں، 2016 گوادر ماسٹر پلان کو بلوچستان حکومت سے مل کر فائنل کر لیا،کوسٹل ہائی وے منصوبے کو بھی حتمی شکل دے دی گئی ہے، ایم ایل ون منصوبہ 5 سال سے التوا کا شکار تھا، اس پر بھی کام جاری ہے، خیبر پختون خوا میں 7 پائلٹ پروجیکٹ شروع کر رہے ہیں۔

تازہ ترین:  80 لاکھ گھرانوں کو بلاتفریق انصاف کارڈ فراہم کیا جائے گا، حماد اظہر

خسرو بخیتار نے کہا سی پیک دو ممالک کے درمیان ایک اشتراک ہے، آپ ایک سال بعد جی ڈی پی گروتھ بڑھتا دیکھیں گے، جی ڈی پی گروتھ اتنی بڑھے گی کہ خسارے کا نہیں سننا پڑے گا، 2022 میں جی ڈی پی 6.5 فی صد تک پہنچ جائے گی۔

انھوں نے کہا سی پیک اتھارٹی کا قیام جلد عمل میں لایا جائے گا، نومبر میں سی پیک کی جے سی سی ہوگی، سی پیک کے موجودہ منصوبوں پر کام سست ہونے کی بات غلط ہے۔

انھوں نے کہا ایل این جی ٹرمینل کی تعمیر سے ایک ارب مکعب فٹ گیس دستیاب ہوگی، ایم ایل ون پر دورہ چین کے دوران چین کے ساتھ باضابطہ بات چیت ہوگی، دورہ چین کے دوران 200 ملین ڈالر کے زرعی منصوبے تجویز کر رہے ہیں۔

وفاقی وزیر نے کہا دورہ چین کے دوران 7 ہزار میگا واٹ بنجی ڈیم کا منصوبہ بھی زیر بحث آئے گا، اسٹیل مل کی صلاحیت 3 ملین ٹن تک بڑھائی جائے تو زر مبادلہ کی بچت ہوگی۔

Comments

comments

یہ بھی پڑھیں