اسلام آباد: سابق وفاقی وزیر خسرو بختیار نے بھی پی ٹی آئی کو خیرباد کہہ دیا۔

تفصیلات کے مطابق پاکستان تحریک انصاف چھوڑنے والوں میں خسرو بختیار بھی شامل ہو گئے، انھوں نے کہا کہ 9 مئی کے دل سوز واقعات نے مجبور کر دیا کہ میں پی ٹی آئی کے نظریے سے دور ہو جاؤں۔

خسرو بختیار نے کہا ’’ایک سال پہلے پارٹی قیادت کو بتا دیا تھا کہ اداروں سے محاذ آرائی نقصان دہ ہوگی، میں اب پی ٹی آئی کے سیاسی فلسفے کے ساتھ نہیں چل سکتا۔‘‘

ابرار الحق آبدیدہ ہوگئے، سیاست چھوڑنے کا اعلان

انھوں نے مزید کہا کہ گزشتہ ایک سال سے انھوں نے پی ٹی آئی سے دوری اختیار کی ہوئی تھی، کور کمیٹی کی ممبر شپ اور جنوبی پنجاب کی صدارت سے بھی دور ہو گئے تھے۔