اسلام آباد: وفاقی وزیر برائے منصوبہ بندی، ترقی و اصلاحات خسرو بختیار کا کہنا ہے کہ تمام بڑے منصوبوں کی تکمیل کے لیے جدید ٹیکنالوجی بروئے کارلائی جائے گی۔
تفصیلات کے مطابق وفاقی وزیر برائے منصوبہ بندی خسرو بختیار نے کہا کہ تمام بڑے منصوبوں کی نگرانی اور تکمیل کے لیے جدید ٹیکنالوجی بروئے کار لائی جائے گی تاکہ تمام ترقیاتی منصوبے مقررہ وقت میں مکمل کیے جاسکیں۔
انہوں نے کہا کہ براہ راست غیرملکی سرمایہ کاری کے فروغ کے لیے صوبائی حکومتوں کے تعاون سے خصوصی اقتصادی اور ایکسپورٹ پروسیسنگ زونر کو جلد سے جلد فعال بنایا جائے گا۔
وزیر اعظم کی معاشی ٹیم کا اجلاس، سرمایہ کاروں کیلئے آسانیاں پیدا کرنے کیلئے اقدامات پر غور
یاد رہے کہ گزشتہ روز اجلاس میں معاشی سرگرمیوں کے فروغ اور سرمایہ کاروں کے لیے آسانیاں پیدا کرنے کے لیے اقدامات پر غور کیا گیا، اجلاس میں فیصلہ کیا گیا کہ صوبائی حکومتوں سے مل کر اسپیشل اکنامک زونز، ایکسپورٹ پراسیسنگ زونز آپریشنلائز کیے جائیں گے۔
اجلاسس میں ترقیاتی فنڈز کی ریلیز اور استعمال کے لیے پروسیجزز کو آسان بنانے کا فیصلہ بھی کیا گیا، جاری اعلامیہ کے مطابق ایگری کلچر ایمرجنسی پروگرام صوبائی حکومتوں کے تعاون سے مؤثر انداز سے نافذ کرنے کا فیصلہ کیا گیا۔
