اسلام آباد : وزیر دفاع خواجہ آصف نے کہا ہے کہا کہ ایم کیو ایم کے قائد الطاف حسین کے پاکستانی ہونے پر شک ہے۔
ان خیالات کا اظہار انہوں نے اسلام آباد میں میڈیا سے گفتگو کرتے ہوئے کیا، خواجہ آصف نے کہا کہ کوئی پاکستانی دشمن ملک سے مدد نہیں مانگتا۔
اداروں سے لاکھ اختلافات ہوں لیکن دشمنوں سےمدد نہیں مانگی جاتی ۔ پاک فوج کی قر بانیوں سے ملک بھرمیں امن قائم ہوا ہے۔
انہوں نے کہا کہ بھارت غلط بیانی اورسراسر جھوٹ کا سہارا لے رہا ہے،اگر بھارت کے اندورنی معاملات خراب ہیں تو الزام پاکستان پر نہ لگایا جائے۔
