اسلام آباد : وفاقی وزیر دفاع خواجہ آصف نے کہا ہے کہ عمران خان گدھ کی طرح انتظار میں ہیں کہ جمہوریت کا خاتمہ ہو اور وہ اقتدار کی بھوک مٹائیں۔
یہ بات خواجہ آصف نے سماجی رابطے کی ویب سائٹ ٹوئٹر پر اپنے ایک پیغام میں کہی جس میں انہوں نے چیئرمین تحریک انصاف عمران خان کو گدھ سے تشبیہ دیتے ہوئے اقتدار کا بھوکا کہا۔
IK like vulture,what he couldn't get in2013,awaits someone to hunt &satiate his hunger for pwr,that not happening,he will starve &wither IA
— Khawaja M. Asif (@KhawajaMAsif) July 26, 2017
خواجہ آصف کا ٹوئٹر پراپنی ٹیوٹ میں کہنا تھا کہ عمران خان سیاسی گدھ ہیں جو 2013 کے انتخاب میں شکست کے بعد سے اس انتظار میں ہیں کہ کوئی دوسرا شکار کرے تو وہ اس سے اپنے اقتدار کی بھوک مٹائیں۔
خواجہ آصف کا کہنا تھا کہ عمران خان کی یہ خواہش انشاءاللہ کسی طور پوری نہیں ہوگی اور وہ اپنی اس کوشش میں کبھی کامیاب نہیں ہوسکیں گے۔
خیال رہے مائیکرو بلاگنگ ویب سائٹ ٹوئٹر پر خواجہ آصف نے اپنی مذکورہ ٹیوٹ انگریزی اور اردو دونوں زبانوں میں کی جس کا عکس پیش کیا جا رہا ہے۔
عمران خان ایک سیاسی گدھ کی طرح ھے۔2013 میں ھارکے بعد اس انتظار میں ھے کہ کوئی اور شکار کرے ا ور اقتدار کی بھوک مٹے ۔ایسا نہیں ھوگاانشاءاللہ
— Khawaja M. Asif (@KhawajaMAsif) July 26, 2017
اپنی ایک اور ٹیوٹ میں انہوں نے بتایا کہ کچھ سال قبل میں نے عمران خان کو ڈبل شاہ کا نام دیا تھا جس پر انہوں نے مجھ پرعدالت میں ہتک عزت کا دعوی بھی کیا تھا لیکن میری خواہش کے برعکس وہ کبھی عدالت نہیں آئے۔
IK sued me for libel yrs back,I called him double Shah,using $7M SKMTcharity for laundering thru a director of SKMT,he doesn't come to court
— Khawaja M. Asif (@KhawajaMAsif) July 26, 2017
خواجہ آصف کا کہنا تھا کہ عمران خان نے شوکت خانم میموریل ٹرسٹ سے 7 ملین ڈالر ایک ڈائریکٹر کی مدد سے نکلوائے اور اس رقم کو منی لانڈرنگ کے لیے استعمال کیا۔
0
20
