وزیر دفاع خواجہ آصف کا کہنا ہے کہ وزیراعظم کو ابھی سمری موصول نہیں ہوئی ہے، پاک فوج کے اعلیٰ ترین عہدوں پر تقرری کا عمل شروع ہوچکا ہے۔
اے آر وائی نیوز کے مطابق وزیر دفاع خواجہ آصف نے سماجی رابطے کی ویب سائٹ ٹویٹر پر لکھا کہ وزیراعظم کو ابھی سمری موصول نہیں ہوئی انشا اللہ سمری کی پی ایم او میں وصولی کنفرم وقت پر کی جائے گی۔
وزیراعظم کو ابھی سمری موصول نہیں ھوئ.. انشاءاللہ
سمری کی PMO میں وصولی کنفرم وقت پہ کی جاۓ گی..— Khawaja M. Asif (@KhawajaMAsif) November 22, 2022
انہوں نے مزید لکھا کہ ’پاک فوج کے اعلیٰ ترین عہدوں پر تقرری کا عمل آج شروع ہوچکا ہے ،انشا اللہ جلد تمام تر آئینی تقاضوں کے مطابق تکمیل ہوجائے گا۔
پاک فوج کے اعلیٰ ترین عہدوں پہ تقرری کا عمل آج شروع ھو چکا ھے انشاءاللہ جلد تماتر آئینی تقاضوں کیمطابق تکمیل ھو جاۓگا.
— Khawaja M. Asif (@KhawajaMAsif) November 21, 2022
واضح رہے کہ ڈی جی آئی ایس پی آر نے کہا ہے کہ وزارت دفاع کو سمری بھیج دی گئی ہے۔
ڈی جی آئی ایس پی آر نے اپنی ٹوئٹ میں بتایا کہ جی ایچ کیو نے وزارت دفاع کو لیفٹیننٹ جنرلز کے ناموں کی سمری بھیجی، نئے چیئرمین جوائنٹ چیفس آف اسٹاف کمیٹی اور آرمی چیف کے لیے سمری بھیجی گئی ہے۔
GHQ has forwarded the summary for Selection of CJCSC and COAS, containing names of 6 senior most Lt Gens to MoD.
— DG ISPR (@OfficialDGISPR) November 22, 2022
