The news is by your side.

Advertisement

پاکستان کے پہلے ٹینس اسٹار انتقال کرگئے

کراچی: پاکستان کے پہلے ٹینس اسٹار اور ٹینس فیڈریشن کے نائب صدر 91 برس کی عمر میں انتقال کرگئے۔

اے آر وائی نیوز کی رپورٹ کے مطابق  خواجہ سعید حئی کا انتقال بدھ کے روز ہوا، وہ طویل العمری کی وجہ سے صحت کے مسائل کا شکار تھے۔

خواجہ سعید حئی نے گرینڈ سلم ٹورنامنٹ میں چار بار پاکستان کی نمائندگی کی جبکہ ڈیوس کپ میں 32 بار پاکستانی کی کپتانی کا اعزاز اپنے نام کیا۔ خواجہ سعید حئی نے 1956 کے فرنچ اوپن ٹورنامنٹ میں دوسرے راؤنڈ تک رسائی حاصل کی تھی۔ انہیں ٹینس فیڈریشن کا نائب صدر بھی منتخب کیا گیا تھا۔

خواجہ سعید کے انتقال پر ساتھیوں نے افسوس کا اظہار کرتے ہوئے مرحوم کی مغفرت اور بلند درجات کے لیے دعا کی۔

پاکستان ٹینس فیڈریشن کے صدر نے اپنے تعزیتی بیان میں کہا کہ خواجہ سعید حئی نے ٹینس کے لیے خدمات انجام دیں، اُن کے جانے سے پیدا ہونے والا خلا کبھی پُر نہیں کیا جاسکے گا۔

Comments

یہ بھی پڑھیں