The news is by your side.

Advertisement

خیبر پختونخواہ بجٹ: سرکاری ملازمین کی تنخواہوں میں 16 فیصد اضافے کا اعلان

پشاور: خیبرپختوانخواہ حکومت نے سرکاری ملازمین کی تنخواہوں میں 16 جبکہ پینشن میں 15 فیصد اضافے کا اعلان کردیا ہے ساتھ ہی سرکاری ملازمین کے لئے فیول استعمال کی حد بھی مقرر کردی گئی۔

تفصیلات کے مطابق ڈپٹی اسپیکر محمودجان کی زیرصدارت کے پی اسمبلی کابجٹ اجلاس ہوا، صوبائی وزیر خزانہ تیمور سلیم جھگڑا نے بجٹ دو ہزار بائیس اور تئیس کے اہم خدوخال اسمبلی میں پیش کئے۔

صوبائی وزیر نے بتایا کہ آئندہ بجٹ کا کل حجم 1332 ارب روپے رکھا گیا ہے، بندوبستی اضلاع کے اخراجات کا تخمینہ 1109 ارب روپے لگایا ہے جبکہ ضم اضلاع کے اخراجات 223 ارب ہوں گے۔

تیمور سلیم جھگڑا نے ایوان کو بتایا کہ دوسری جنگ عظیم کےبعد دنیا کے بدترین معاشی بدحالی میں ہم نےترقی کرکے دکھائی، عمران خان کی حکومت نے احساس ،پناہ گاہ ،صحت کارڈجیسےتاریخی پروگرام دیئے۔

انہوں نے شہباز حکومت کو تنقید کا نشانہ بناتے ہوئے کہا کہ دوماہ میں ڈالر178سے202پرپہنچ گیا،بجلی 17سے25روپےفی یونٹ ہوگئی،پیٹرول اورڈیزل 60روپےمہنگا ہوگیا جب حکومت نہیں چلاسکتےتھےتو اقتدارمیں کیوں آئے؟

بجٹ کی چیدہ چیدہ نکات

سرکاری ملازمین اور پینشنز کے لئے بڑا اعلان

کے پی حکومت نے سرکاری ملازمین کی تنخواہوں میں 16فیصد جبکہ پنشن میں 15فیصد اضافے کا اعلان کیا، صوبائی وزیر خزانہ نے بتایا کہ اس اضافے میں پولیس کو بھی شامل کیا گیا ہے جو کہ پہلی بار ہوا ہے۔

وزیر خزانہ نے اعلان کیا کہ ایگزیگٹیو الاؤنس کو کارکردگی الاؤنس میں تبدیل کررہے ہیں۔

فیول بچت کا طریقہ کار متعارف

بجٹ تقریر میں صوبائی وزیر خزانہ نے کہا کہ پیٹرول کے بےدریغ استعمال سے بچنےکیلئےسرکاری ملازمین اور محکموں کو فلیٹ کارڈ دیا جائیگا، پیٹرول فلیٹ کارڈ میں حد متعین ہوگی، جس سے فیول کی بچت کے ساتھ ساتھ خزانے پر بھی بوجھ کم پڑے گا۔جبکہ فیول بجٹ اور توانائی کے بچت کے لئے سرکاری ملازمین جمعہ کے روز ورک فرام ہوم کرینگے۔

پولیس شہداء پیکج میں اضافے کا اعلان

صوبائی وزیر خزانہ نے بتایا کہ گریڈ 7سے 16 تک کے پولیس اہلکاروں کے رسک الاؤنس میں ڈی آر اے کے برابر اضافہ کیا گیا ہے، ساتھ ہی پولیس شہداء پیکج کو بڑھا دیا گیا ہے۔

صحت اور تعلیمی بجٹ میں ریکارڈ اضافہ

وزیر خزانہ نے بجٹ تقریر میں بتایا کہ پچھلے سال کے مقابلے میں صحت کے بجٹ میں 55 ارب کا اضافہ کیا ہے جبکہ ابتدائی و ثانونی تعلیم کے بجٹ میں 47 ارب روپے کا اضافہ کیا گیا ہے، اعلیٰ تعلیم کےلیے34ارب روپےرکھےگئےہیں جوکہ علیحدہ ہیں۔

موسمیاتی تبدیلیوں کے لئے خطیر رقم 

تیمور سلیم جھگڑا نے بتایا کہ موسمیاتی تبدیلی کے لیے دو ارب روپے مختص کئے گئے ہیں جبکہ نوجوانوں کو 25 ارب روپے کے قرضے دئیے جائیں گے۔

این ٹی ایس اساتذہ کے لئے اہم اعلان

صوبائی وزیر خزانہ نے اعلان کیا کہ یکم جولائی سے58000این ٹی ایس اساتذہ کو بھی مستقل کیاجارہاہے اسکے علاوہ آئندہ سال 600 نرسز کی بھرتیاں کی جائیں گی۔

بلین ٹری سونامی کے فنڈز میں مزید اضافہ 

آئندہ مالی سال کے دوران ماحول دوست سیاحت کے لیے 15.5 ارب روپے اور بلین ٹری سونامی کے لئے 1.8 ارب روپے مختص کیے گئے ہیں جبکہ سیاحت کے شعبے کا ترقیاتی بجٹ 14.6 ارب روپے رکھا گیا ہے۔

Comments

یہ بھی پڑھیں