خاتون کے گاڑی چلانے پر ایس ایچ او برہم، میاں بیوی پرتشدد -
The news is by your side.

Advertisement

خاتون کے گاڑی چلانے پر ایس ایچ او برہم، میاں بیوی پرتشدد

پشاور: خیبر پختونخواہ میں خواتین کا گاڑی چلانا جرم بن گیا، ایس ایچ او نے گاڑی چلانے پر خاتون کے ساتھ بیٹھے شوہر کو مغلظات بکیں اور تشدد کا نشانہ بنایا، وزیر اعلیٰ نے ایس ایچ او کو معطل کردیا۔

تفصیلات کے مطابق پشاور کے تھانہ مٹہ سوات کے ایس ایچ او امان خان نے ایک خاتون کو گاڑی چلاتے ہوئے دیکھا تو اسے سخت ناگوار گزرا۔

 ایس ایچ او نے غصے میں آکر فرنٹ سیٹ پر بیٹھے اس خاتون کے شوہر کومغلظات بکیں اور گاڑی سے باہر نکال کر تشدد شروع کردیا اور اس پر ہی بس نہ کیا اور دونوں میاں بیوی کو لے جا کر تھانے میں بند کردیا۔

اطلاع ملنے پر وزیر اعلیٰ خیبر پختونخواہ پرویز خٹک نے واقعے کا سختی سے نوٹس لے لیا، ترجمان وزیراعلیٰ ہاؤس کے مطابق وزیر اعلیٰٰ نے مذکورہ ایس ایچ اوکومعطل کردیا ہے۔

Comments

comments

یہ بھی پڑھیں