The news is by your side.

Advertisement

کے پی کے: بلدیاتی ضمنی انتخابات کیلئے پولنگ کا عمل جاری

پشاور: خیبرپختونخوا میں بلدیاتی انتخابات کے پہلے مرحلے میں امیدواروں کے انتقال اور ناخوشگوار واقعات کے باعث ملتوی ہونے والی نشستوں پر پولنگ اسٹیشنز پر دوبارہ پولنگ کا عمل جاری ہے۔

اے آر وائی نیوز کے مطابق پشاور، نوشہرہ، خیبر، مہمند، مردان، کوہاٹ، کرک، بنوں، لکی مروت، ڈی آئی خان، چارسدہ، بونیر اور باجوڑ میں ری پولنگ ہورہی ہے،ووٹنگ کا عمل بغیر کسی تعطل کے شام 5 بجے تک جاری رہے گا۔

رپورٹ کے مطابق سب سے زیادہ تگڑا مقابلہ ڈی آئی خان کی سٹی میئر سمیت تین نشستوں پر ہونے جارہا ہے، کوٹ عیسیٰ خان میں جنرل کونسلر کی نشست پر پولنگ جاری ہے، رتہ کلاچی میں کسان کونسلر کی نشست پر ووٹنگ ہورہی ہے جبکہ سٹی میئر کی نشست پر ووٹنگ کا عمل جاری ہے۔

مذکورہ نشست میں اے این پی کے امیدوار عمر خطاب کے قتل کے باعث سٹی مئیر کا انتخاب ملتوی کر دیا گیا تھا،پی ٹی آئی،جے  یوآئی ف اورپی پی کےدرمیان سخت مقابلہ متوقع ہے۔

الیکشن کمیشن کے مطابق ڈی آئی خان کی تینوں نشستوں پر رجسٹرڈ ووٹرز کی تعداد3لاکھ 44ہزار ہے، سٹی میئر کے الیکشن کیلئے302 پولنگ اسٹیشن،1039پولنگ بوتھ قائم کئے گئے ہیں، جن میں سے 68 پولنگ اسٹیشنز حساس ترین،121 کو حساس قرار دیا جاچکا ہے۔

ضلع لکی مروت میں تحصیل چیئرمین، دیہی ونیبرہڈ کونسل ممبران کی نشست کیلئے ووٹنگ جاری ہے، دولت خیل کے2پولنگ اسٹیشنز پر تمام کیٹگریز کی سیٹوں پر پولنگ کا عمل جاری ہے، غزنی خیل میں 4پولنگ اسٹیشنز پر جنرل ممبر کی نشست پر ووٹ ڈالنے کا سلسلہ جاری ہے، سرائے نورنگ میں3 پولنگ اسٹیشن پرتحصیل چیئرمین کے لئے مقابلہ جاری ہے۔

اسی طرح مردان کی دو ولیج کونسلز کی نشستوں پر ری پولنگ کا عمل جاری ہے، گجرگڑھی کی ولیج کونسل2 پر کسان نشست،گڑھی اسماعیل زئی میں جنرل نشست پرری پولنگ ہورہی ہے۔

Comments

یہ بھی پڑھیں