پشاور: محکمہ انسداد دہشتگردی (سی ٹی ڈی) نے رواں سال خیبرپختونخوا میں دہشتگردی کے واقعات سے متعلق رپورٹ جاری کردی۔
سی ٹی ڈی کی رپورٹ کے مطابق پاکستان کے صوبے خیبرپختونخوا میں رواں سال اب تک دہشتگردی کے 563 واقعات ہوئے اور دہشتگردی کے 243 واقعات میں پولیس کونشانہ بنایا گیا۔
رپورٹ کے مطابق دہشت گردی کے سب سے زیادہ 132 واقعات ڈی آئی خان میں پیش آئے، خیبر میں 103، پشاور میں 89، شمالی وزیرستان 86 اور جنوبی وزیرستان میں دہشتگردی کے 50 واقعات ہوئے۔
سی ٹی ڈی کی رپورٹ میں بتایا گیا دہشتگردی کے واقعات میں ملوث 837 دہشف گردوں کو گرفتار کیا گیا ہے جن میں سے پشاور سے 245 دہشتگردوں کو گرفتار کیا گیا، خیبر سے57، کوہاٹ 58 اور چارسدہ سے 39 دہشتگردوں کو گرفتار کیا گیا۔
