بھارتی فلم انڈسٹری کی معروف اداکارہ کیارا اڈوانی اور رنویر سنگھ ”ڈان 3“ میں پہلی بار اسکرین اسپیس شیئر کرنے کے لیے تیار ہیں۔
بھارتی میڈیا کے مطابق ابھی تک اس بات کا علم نہیں ہوسکا کہ کیارا فلم میں کون سا کردار نبھا رہی ہیں، مگر جو بات سامنے آئی ہے وہ یہ ہے کہ وہ فرحان اختر کی ہدایت کاری میں بننے والی فلم کے لیے کتنا معاوضہ لے رہی ہیں؟۔
بھارتی میڈیا کا کہنا ہے کہ اداکارہ کیارا اڈوانی، ’ڈان 3‘ کے لئے 13 کروڑ روپے کی خطیر رقم وصول کررہی ہیں۔
اطلاعات کے مطابق فلم میکرز نے ابتدائی طور پر کیارا اور کریتی سینن دونوں کو لیڈنگ لیڈی کے لیے غور کیا تھا لیکن بالآخر کیارا کا انتخاب کیا گیا تاہم ایکشن فلم کی کاسٹ میں ان کی شمولیت کا باضابطہ اعلان گزشتہ ماہ تمام سوشل میڈیا پلیٹ فارمز پر کردیا گیا تھا۔
اس سے قبل ایک بیان میں اداکارہ کیارا ایڈوانی کا کہنا تھا کہ پروجیکٹ کا حصہ بننا میرے خیال میں شعوری فیصلہ ہے کیونکہ میں کچھ مختلف کرنا چاہتی ہوں۔
میں کچھ مختلف کرنا چاہتی ہوں، کیارا ایڈوانی
بالی وڈ اداکارہ نے کہا کہ میں کیریئر میں کچھ تبدیلی لانے کی خواہاں تھی اور ایکشن فلم میں شامل ہونے کا فیصلہ بھی اس بات کی نشانی ہے، میں اس کیلیے بہت پُرجوش ہوں۔
