The news is by your side.

Advertisement

بالی ووڈ اداکارہ کس وہم کی شکار ہے؟

عام لوگوں کی طرح بعض اداکار بھی مختلف قسم کے توہمات کا شکار ہوتے ہیں، ان ہی میں ایک بالی ووڈ کی ابھرتی ہوئی خوب صورت اداکارہ کیارا اڈوانی بھی شامل ہیں۔

کیارا اڈوانی، جو فلم کبیر سنگھ کی دلہنیا کے نام سے مشہور ہو گئی ہیں، نے ایک شو میں شرکت کے دوران اپنے بارے میں بتاتے ہوئے اپنی توہم پرستی کا بھی ذکر کیا ہے۔

کیارا نے انکشاف کیا کہ وہ زندگی میں صرف ایک چیز کو لے کر توہم پرست ہیں، اداکارہ نے کہا ’میں صرف ایک چیز کے حوالے سے توہم پرست ہوں کہ جب تک میں کوئی فلم سائن نہ کروں کسی کو اس بارے میں نہیں بتاتی۔‘

خیال رہے کہ کیارا اڈوانی اپنی نئی فلم کی تشہیر کے لیے فلم کی کاسٹ کے ساتھ اسٹینڈ اپ کامیڈین کپل شرما کے شو میں سوالات کے جواب دے رہی تھیں۔

یاد رہے کہ کیارا نے کامیڈی فلم ‘فگلی’ سے اپنی فلمی لائف کا آغاز کیا تھا، اس کے بعد بایوپک ’ایم ایس دھونی‘ میں سراہا جانے والا کردار نبھایا، اس کے بعد ان کو فلم لسٹ اسٹوریز، تیلگو پولیٹیکل تھرلر بھارت انے نینو، کبیر سنگھ اور شیر شاہ جیسی ہندی فلموں میں کام ملا۔

Comments

یہ بھی پڑھیں