کراچی: شہر قائد میں پراٹھے بنانے والے ایک کک باکسر نے روس کے شہر ماسکو ميں کانسی کا تمغا جيت ليا۔
تفصیلات کے مطابق انٹرنيشنل کک باکسنگ چيمپئن شپ ماسکو میں کراچی سے تعلق رکھنے والے نوجوان نثار احمد نے برونز ميڈل حاصل کر ليا، نثار احمد نے کواليفائنگ راؤنڈ ميں تاجکستان کے کک باکسر کو زير کيا۔
نثار احمد کے پاس ايونٹ ميں شرکت کے ليے پيسے بھی نہيں تھے، انھوں نے عوام کی جانب سے تعاون کے بعد ايونٹ ميں شرکت کي۔
سيد عبيد محمد نے 64 کلوگرام کيٹیگري ميں کک باکسنگ میں گولڈ ميڈل حاصل کيا، جب کہ نوروز علي نے 56 کلوگرام کيٹیگري ميں سلور ميڈل حاصل کيا۔
نثار احمد کے بارے میں معلوم ہوا ہے کہ وہ کراچی کے علاقے بلدیہ میں چائے کے ایک ہوٹل پر پراٹھے بناتا ہے۔
Training session for Fight ,🥊
Please Pray for Team Pakistan🇵🇰 THANKS🇵🇰🙏 pic.twitter.com/a021Owbq5p— Samiullah Kakar Kickboxer (@samiu2860) November 21, 2021
پاکستان کک باکسنگ ٹیم کا 6 رکنی دستہ پاکستان کک باکسنگ فیڈریشن کے صدر سمیع اللہ کاکڑ کی قیادت میں روس کے شہر ماسکو کے لیے 19 نومبر کو کراچی ایئر پورٹ سے روانہ ہوا تھا۔
سید حاجی عبدالمنان آغا ٹیم منیجر تھے، جب کہ عبدالوہاب درانی پاکستان کک باکسنگ ٹیم کی کوچنگ کے فرائض سرانجام دے رہے تھے۔
