ممبئی: بھارتی فلم انڈسٹری کے معروف اداکار نوازالدین کا شمار ان اداکاروں میں ہوتا ہے جنہوں نے بالی ووڈ کے تینوں خان؛ شاہ رخ خان، سلمان خان اور عامر خان کے ساتھ کام کرنے اعزاز حاصل کر رکھا ہے۔
بھارتی میڈیا رپورٹس کے مطابق معروف اداکار نے اپنے چاہنے والوں کے ساتھ ماضی سے جڑی کچھ یادیں شیئر کیں، اداکار نے بتایا کہ جب انہوں نے سلمان کے ساتھ ”کِک“ میں کام کیا تو ان کے والدین بہت زیادہ خوش ہوئے تھے۔
معروف اداکار نے کہا کہ میرے والدین کو اس بات کا یقین نہیں آرہا تھا کہ میں نے سلمان خان کے ساتھ کام کیا ہے۔
اداکار سے ایک پوڈ کاسٹ کے دوران، سوال کیا گیا کہ کیا ان کے والدین کو ابتدائی طور پر یقین تھا کہ وہ اداکاری کے میدان میں اس وقت تک کامیاب نہیں ہوں گے جب تک کہ وہ تینوں خان کے ساتھ کام نہ کرلیں؟
جس پر اُنہوں نے کہا کہ شاہ رخ خان، سلمان خان اور عامر خان بڑے اداکار ہیں اور لوگوں کو لگتا ہے کہ اگر کوئی اداکار ان کے ساتھ کام کرے تو وہ کامیابیوں کی بلندیوں کو چھو لیتا ہے۔
انہو ں نے کہا کہ میرے والدین کی توجہ اس بات پر کم تھی، والدین بس یہی چاہتے تھے کہ میں کوئی کام کرنے لگوں۔ انہیں یقین تھا کہ مَیں کچھ کرلوں گا مگر جب انہوں نے ”کک“ دیکھی تو انہوں نے حیرانی کا اظہار کیا۔
معروف اداکار نے اپنے جدوجہد کے دنوں کے بارے میں بات کرتے ہوئے اپنے چاہنے والوں بتایا کہ انہیں زندگی سے کوئی شکایت نہیں ہے، کیونکہ زندگی کے جدوجہد کے مرحلے سے بھی لطف اٹھایا ہے۔
واضح رہے کہ نوازالدین نے بالی ووڈ میں اپنے اداکاری کے سفر کا آغاز 1999میں فلم ”سرفروش“ سے کیا تھا جس میں عامر خان نے مرکزی کردار ادا کیا تھا۔
رتن ٹاٹا نے نازیہ حسن سے فون پر کیا کہا تھا؟ زوہیب حسن نے بتادیا
انہوں نے شاہ رخ خان کے ساتھ 2017کی فلم ”رئیس“ میں کام کیا تھا۔ سلمان خان کے ساتھ ”کک“ اور ”بجرنگی بھائی جان“ میں اپنی اداکاری کے جوہر دکھائے تھے۔
