شکار پور: سندھ پولیس نے کندھ کوٹ کے علاقے گڑھی تیغو میں آپریشن کرکے ایک ماہ قبل اغواء ہونے والے نوجوان کو بازیاب کرلیا۔
تفصیلات کے مطابق سندھ پولیس نے کندھ کورٹ میں کامیاب کارروائی کرتے ہوئے ایک ماہ قبل اغوا ہونے والے نوجوان سلمان کو بازیاب کرلیا ہے۔
پولیس کا کہنا ہے کہ سلمان کو لڑکی کی آواز میں کال کرکے بلا کر فیضو لاڑو کی حدود سے اغوا کیا گیا تھا، مغوی کو کندھ کوٹ کے کچے کے علاقے گڑھی تیغو سے بازياب کرایا گیا ہے۔
شکار پور کے ایس ایس پی کا مزید کہنا ہے کہ کچے کے علاقے میں ڈاکوؤں کی گرفتاری کیلئے آپریشن جاری ہے۔
واضح رہے کہ اس سے قبل اسی مقام گڑھی تیغو میں پولیس نے مغویوں کی بازیابی کے لیے رات گئے آپریشن کیا تھا اور 3 ٹک ٹاکر مغوی لڑکیوں کو بازیاب کرایا تھا۔
