The news is by your side.

امریکا میں بھارتی فیملی کمسن بچے سمیت اغوا کے بعد قتل

امریکا میں کچھ روز قبل اغوا ہونے والی بھارتی فیملی کی لاشیں ریاست کیلیفورنیا میں ایک باغ سے برآمد ہوئی ہیں جس میں ان کا کمسن بچہ بھی شامل ہے۔

غیر ملکی میڈیا کے مطابق فیملی کو پیر کے روز شہر مرسڈ کاؤنٹی میں ایک کمپنی کے باہر سے اغوا کیا گیا تھا۔ مغویوں میں آٹھ ماہ کا بچہ، اس کے والدین اور بچے کا انکل شامل تھا۔

مقامی پولیس شیرف نے پریس کانفرنس میں بتایا کہ بدھ کی شام چار افراد کی لاشیں باغ سے برآمد ہوئیں، اس متعلق ایک کسان نے پولیس کو اطلاع دی، لاشوں کو دیکھ کر آنے والے غصے کو بیان کرنے کے لیے الفاظ نہیں۔

بدھ کے روز پولیس کی جانب سے ایک سی سی ٹی وی فٹیج شیئر کی گئی۔ فٹیج میں میاں بیوی کو ایک دوسرے کا ہاتھ پکڑ کر کمپنی سے باہر آتے ہوئے دیکھا گیا۔ اس کے کچھ ہی دیر بعد بچہ اور اس کے انکل اغوا کاروں کے ساتھ بلڈنگ سے باہر آئے۔ اغوا کار فیملی کو ٹرک میں بٹھا کر وہاں سے فرار ہوگئے۔

اغوا کے ایک روز بعد پولیس نے ایک 48 سالہ مشتبہ شخص کو حراست میں لیا تھا جس نے نے دوران حراست اپنی جان لینے کی کوشش کی اور بُری طرح زخمی ہوگیا۔ مشتبہ شخص اس وقت اسپتال میں زیرِ علاج ہے جبکہ پولیس اس معاملے میں ہر پہلو سے تحقیقات کر رہی ہے۔

Comments

یہ بھی پڑھیں