بےلگام کچے کے ڈاکوؤن نے ایک اور قیمتی جان لے لی۔
تفصیلات کے مطابق جلالپور پیروالہ میں تاوان نہ دینے پر کچے کے ڈاکوؤں نے مغوی کو بے دردی سے قتل کر دیا۔ ڈاکوؤں کی جانب سےلاش واپس کرنے کیلئے 50 لاکھ ادائیگی کا مطالبہ بھی کیا جا رہا ہے۔
متاثرہ فیملی کا کہنا ہے کہ مقتول محمد شعیب کو کچھ عرصہ قبل کچے کے ڈاکوؤں نے ملتان سے اغوا کیا تھا اور 5کروڑ سے زائد رقم، قیمتی موبائل فونز اور گھڑیوں کا مطالبہ کیا تھا۔
- Advertisement -
اہلخانہ کے مطابق کچےکے ڈاکو شعیب کو تشدد کا نشانہ بنا کر ویڈیو بھیجتے تھے اور تاوان جلد از جلد لانے کا کہتے اور اس دوران وہ شعیب پر بہیمانہ تشدد کرتے رہتے۔
لواحقین کا کہنا ہے کہ ڈاکو لاش واپس کرنے کا بھی 50 لاکھ مانگ رہے ہیں اعلیٰ حکام مدد کریں اور لاش کو واپس لانے کے لیے اقدامات کریں۔
