لاہور : سفاک بیٹے نے باپ کی قبر پر بلا کر سوتیلی ماں اور دو بہنوں کو فائرنگ کرکے قتل کردیا، تیسری بہن بھاگ کر جان بچانے میں کامیاب ہوگئی۔
تفصیلات کے مطابق لاہور کے علاقے شاد باغ میں تہرے قتل کی واردات ہوئی ہے، چن شاہ قبرستان سے تین عورتوں کی لاشیں ملیں، مذکورہ لاشیں دوبہنوں اور ان کی والدہ کی ہیں۔
لاشیں ایک قبر کے پاس پڑی تھیں جو مقتولہ کے شوہر ملک اصغر بلو کی تھی، جائے وقوعہ سے جان بچا کر بھاگنے والی زخمی لڑکی کو طبی امداد کیلئے اسپتال منتقل کردیا گیا ہے،ہلاک ہونے والی دونوں لڑکیوں عمریں 12 اور 16 سال ہے، پولیس نے مقتولین کی نعشیں میو اسپتال کے مردہ خانے میں منتقل کردی ہیں ۔
پولیس کے مطابق واقعے میں زخمی حالت میں ملنے والی ایک لڑکی نے بتایا ہے کہ سوتیلے بھائی نے ہمیں بہانے سے والد کی قبر پر بلایا کر فائرنگ کی اس ساتھ بہنوئی بھی تھا۔،ہنوں اور سوتیلی ماں کو سوتیلے بھائی نے فائرنگ کر کے مارا, لڑکی کا کہنا تھا کہ وہ جان بچا کر بھاگنے میں کامیاب ہوگئی۔
پولیس کا کہنا ہے کہ ملک اصغر عرف بلو کو بھی چند دن پہلے قتل کردیا گیا تھا، اس کی دیگر دو بیویاں قتل کےالزام میں گرفتار ہیں، ملک اصغر عرف بلو علاقے کی سیاسی شخصیت تھا۔
پولیس کے مطابق ملک اصغر عرف بلو نے چھ شادیاں کر رکھی تھیں، تہرے قتل کی واردات بھی خاندانی جھگڑا اور جائیداد کی ملکیت کا شاخسانہ ہوسکتا ہے۔
