سوشل میڈیا پر برطانیہ کے مسلمان دکاندار کے بڑے پن کا چرچہ ہو رہا ہے جس نے بے بس ڈاکو کو پکڑنے کے بجائے معاف کر دیا۔
یارک شائر میں نوسرباز موبائل شاپ میں گاہگ بن کر آیا اور دو قیمتی موبائل فون لے کر بھاگنا کی کوشش کی۔
بدقسمتی سے دکان کا آٹومیٹک دروازہ بند ہوگیا اور وہ فرار نہ ہو سکا۔ ناکامی پر ڈکیت نے فون واپس کر دیے جبکہ دکان مالک افضل ندیم نے رحم دلی کا مظاہرہ کرتے ہوئے اسے جانے دیا۔
دکان کے اندر لگے سی سی ٹی وی کی فوٹیج سوشل میڈیا پر وائرل ہوگئی اور لوگوں نے دکاندار کے بڑے پن کی تعریف کی۔
This attempted robbery took place earlier today. Fortunately the thief didn’t think his escape route through properly and was in for a surprise.
📍 Phone Market, Dewsbury. 🏴
Please share and give others a heads up. Watch out for this guy. pic.twitter.com/1XbTPjdWdh
— Majid Freeman (@Majstar7) December 4, 2022
بعد ازاں مالک افضل ندیم نے انسٹا گرام اسٹوری پر ڈاکو کو معاف کرنے کی وجہ بتائی۔
انہوں نے لکھا کہ میں اس ڈاکو کی مدد کرنا چاہتا ہوں کیوں کہ سخت معاشی حالات کی وجہ سے کافی لوگوں کی میزوں پر کھانا نہیں ہوتا جس کی وجہ سے وہ جرائیم کرنے لگتے ہیں۔
دکاندار نے حضور ﷺ کی حدیث مبارکہ بھی تحریر کی: ’رحم کرنے والوں پر رحٰمن رحم کرتا ہے تم اہل زمین پر رحم کرو آسمان والا تم پر رحم کر ے گا۔‘
