لندن : کوویڈ19 کی عالمی وبا کے دوران شاندار انسانی خدمات کے اعتراف میں پاکستانی نژاد نوجوان اور کاروباری شخصیت بلال بن ثاقب کو موسٹ ایکسیلنٹ آرڈر آف دی برٹش ایمپائر (ایم بی ای) میڈل سے نوازا گیا۔
کنگ چارلس کی سفارش پر ’’شہزادی این‘‘ نے انہیں یہ باوقار اعزاز عطا کیا، بلال بن ثاقب کو یہ ایوارڈ کورونا وائرس کی وبا کے دوران برطانیہ کے فرنٹ لائن ورکرز کو تازہ اور گرم کھانا فراہم کرنے کی کوششوں پر دیا گیا۔
اے آر وائی نیوز کے پروگرام باخبر سویرا میں بلال بن ثاقب نے اپنی اس شاندار کاوش کے بارے میں ناظرین کو آگاہ کیا اور اپنے دیگر منصوبوں کے حوالے سے بھی آگاہ کیا۔
انہوں نے بتایا کہ برطانیہ کے علاوہ ہماری تنظیم پاکستان میں بھی کام کررہی ہے جس کے تحت صاف پانی فراہمی کے منصوبے پر کام جاری ہے۔ اس میں لوگوں کو پانی سے بھرے بھاری برتن کاندھوں یا سر پر لانا نہیں پڑے گا انہیں ایک خاص قسم کی ہاتھ گاڑی فراہم کی جائے گی۔
Alhumdulilah!
Humbled and honoured to receive the Member of the Order of the British Empire (MBE) medal, awarded by Princess Anne on the recommendation of King Charles for my humanitarian services during COVID-19 in the UK for @onemillionmeals. pic.twitter.com/qUwReDD92O
— Bilal bin Saqib MBE (@Bilalbinsaqib) December 21, 2023
بلال بن ثاقب نے بتایا کہ وہ اس وقت پاکستان میں بلاک چین اپنانے اور تعلیم پر کام کر رہے ہیں اور ملک میں بلاک چین انقلاب کی قیادت بھی کر رہے ہیں۔
