گورنر پنجاب چوہدری محمد سرور نے کنگ ایڈورڈ میڈیکل یونیورسٹی کا 2021 کا ترمیم شدہ آرڈیننس جاری کر دیا۔
آرڈیننس میں کنگ ایڈورڈ میڈیکل کالج کا اسٹیٹس بحال کر دیا گیا ہے۔
آرڈیننس کے تحت کنگ ایڈورڈ میڈیکل یونیورسٹی اپنے الحاق شدہ کنگ ایڈورڈ کالج اور دیگر اداروں کے انتظامی امور دیکھے گی۔
- Advertisement -
آرڈیننس کے مطابق کنگ ایڈورڈ میڈیکل کالج کی تمام پراپرٹی جو کنگ ایڈورڈ میڈیکل یونیورسٹی کو ٹرانسفر کی گئی تھی واپس کر دی گئی ہے۔
کنگ ایڈورڈ میڈیکل کالج کا بھی اسٹیٹس بحال کر دیا گیا ہے اور کنگ ایڈورڈ میڈیکل کالج کنگ ایڈورڈ میڈیکل یونیورسٹی سے الحاق شدہ ہوگا۔
آرڈیننس کے مطابق کنگ ایڈورڈ میڈیکل یونیورسٹی میں موجود ملازمین جو پنجاب حکومت کے ملازمین ہیں ان کو کنگ ایڈورڈ میڈیکل کالجز میں ٹرانسفر کر دیا جائے گا۔
