ریاض: سعودی عرب کے کنگ فہد پل سے بحرین جانے والے افراد کے لیے نئی شرائط کا اعلان کردیا گیا جن پر فوری عمل درآمد کیا جائے گا۔
اس حوالے سے سعودی ویب سائٹ کے مطابق سعودی عرب اور بحرین کو سمندر کے راستے جوڑنے والے سمندری پل (کنگ فہد پل) کے ادارے نے مملکت آنے جانے والوں کے لیے نئے ضوابط جاری کیے ہیں۔
انتظامیہ نے کہا ہے کہ جو مقامی شہری پل کے راستے بحرین جانا چاہتے ہوں وہ اپنے ہمراہ پاسپورٹ اور قومی شناختی کارڈ ضرور لائیں، ابشر اور توکلنا کے ذریعے پاسپورٹ یا شناختی کارڈ کا ریکارڈ دینا کافی نہیں ہوگا۔
- Advertisement -
اخبار 24 کے مطابق بحرین اور سعودی عرب کو جوڑنے والا پل ’کنگ فہد پل‘ کہلاتا ہے۔
پُل انتظامیہ نے کہا ہے کہ ’جسر‘ ایپ کے ذریعے آن لائن ادائیگی سروس مؤثر کردی گئی ہے۔ اس سے سفر کرنے والوں کو فیس ادا کرنے کے لیے لائن میں لگنا نہیں پڑے گا۔
